بمناسبة تالت فشل واجهته في حياتي - حبيت اوثق الالغاز اللي عقلي بيدور في فلكها الآن - للفائدة العامة وانا اثق ان الموضوع ممكن يكون مفيد للبعض - والموضوع باللغة العامية ، وهو عن تجربتي الشخصية في الفشل بس بعيداً عن التنميّة البشرية وابراهيم الفقي ورواد تجارة الكلام هؤلاء ..
- طيب مفيش مُسكنات للفشل واليأس ؟ ..فيه ممكن لما تحس باليأس تعزل نفسك عن العالم الخارجي والواقع شوية وتعيش مع نفسك تدّيها قهوة وشاي بلبن وعنّاب وكاكاو ، التمشية في الكُربة الصبح بدري قبل الزحمة وانتا بتسمع فلويد وزبلين ، القعدة علي التكعيبة اخر النهار ، وقهوة عم صالح في وسط البلد بليل مع كتاب ، الفُرجة علي فيلم مع صديق مُقرّب او منفرد مع الشوكولا ، الجري الفجر في السقعة ، شرب الشاي بالنعناع وانتا قاعد قدام باجور جاز وبتسمع ام كلثوم ...
- طيب في حد قالّي قبل كدا ان المدوّنة دي نجاح - يعني معرفش مين من بتوع التنمية البشرية اللي فهمه ان الشخص الناجح هو اللي بيمشي بنوتة في إيده او يكتب افكاره في مدوّنة - احب اقوله اديك في الغابة الملونّة - اديك بكل فتوّنة ..
المدونة يا اصدقائي زي النوتة اللي بتمشي بيها في الشارع اللي بتخلي الناس تقول عليك شخص سيكوباتي في مجتمعاتنا - لذلك لا تعتبرها اكثر من شيء يتم فيه تدوين الآراء والافكار - وكفايا الافكار الضلالية بتاعت النوتة والمدوّنة والشخص الناجح بيعمل كذا والفاشل بيعمل كذا - اعمل انتا الكذا دا وانجح بطريقتك - مش شرط تقلّد ....
يعني من الاخر اغلب الحاجات اللي انتا شايفها نجاح هي فشل بالنسبالي وملهاش قيمة ، بس فشل طعمه حلو و اتعلمت منها حاجات كتيرة اوي ، هتساعدني اني انجح بعد كدا ....
بإختصار انا قريت قبل كدا جُملة مكنتش فاهمها كانت بتقول "امتي تحقق حلمك ؟ ، لما ميبقاش قدامك خيار آخر سوي تحقيق حلمك "
ودلوقتي فهمتها وفسرتهالكم كمان ...ادعولي بقي ...
طيب بالنسبة للاسئلة اللي دايماً بتتسأل عشان اللي عايزين يشبعو فضولهم :
ليه مش هتكلم عن مرحلة اول فشل واجهته ؟ ، لاني مكنتش بدوّن ساعتها ودي كانت في بداية سن الادراك وكمان كنت لسة خارج من ثانوية عامة طازة بدماغ قرد مضحوك عليه بنصايح الاهل والمجتمع - طيب وليه مش هتكلم عن مرحلة تاني فشل بردو ؟ ، لاني already كتبت عنها بإيجاز في مكان ما سواء علي المدونة هنا او علي الفيس بوك ، بس مش فاكر - طيب ممكن اتكلم عن مرحلة فشل رابعة لو حصلت ؟ ، دا اكيد ....
ليه مش هتكلم عن مرحلة اول فشل واجهته ؟ ، لاني مكنتش بدوّن ساعتها ودي كانت في بداية سن الادراك وكمان كنت لسة خارج من ثانوية عامة طازة بدماغ قرد مضحوك عليه بنصايح الاهل والمجتمع - طيب وليه مش هتكلم عن مرحلة تاني فشل بردو ؟ ، لاني already كتبت عنها بإيجاز في مكان ما سواء علي المدونة هنا او علي الفيس بوك ، بس مش فاكر - طيب ممكن اتكلم عن مرحلة فشل رابعة لو حصلت ؟ ، دا اكيد ....
بس يارب اكتب عن مرحلة نجاح قبلها ، لان مؤخرتي من كتر الخوازيق هتنطق وتتكلم وتصرخ ...
____________________________
بعد شدّت السطر اللي فوق دي المفاجأة اني مش هتكلم عن ماهية تالت فشل واجهته ، انا هتكلم عن الالغاز اللي كانت مُصاحبة للفشل ومراحل التطوّر الذاتي بعده - عامتاً انا من الناس اللي بتنبسط بالفشل وبتكتئب في نفس الوقت - محدش يسأل ازاي ..
____________________________
بعد شدّت السطر اللي فوق دي المفاجأة اني مش هتكلم عن ماهية تالت فشل واجهته ، انا هتكلم عن الالغاز اللي كانت مُصاحبة للفشل ومراحل التطوّر الذاتي بعده - عامتاً انا من الناس اللي بتنبسط بالفشل وبتكتئب في نفس الوقت - محدش يسأل ازاي ..
المراحل دي كانت بالترتيب من اليمين للشمال عُبارة عن : مش عايز اعيش < مينفعش اموت < هعيش وانا مبضون بس هصبر < مقدميش غير اني اعيش مبسوط < يا احقق ذاتي واحلامي يا أموت < انا لازم اكيّف العالم علي كيفي ....
تفسير لغز المراحل اللي فوق هكتبه قدامك دلوقتي ولكن لازم تعرفو اني الآن في مرحلة من مراحل تطور الذات والنهج والافكار :
- حسيت مع اول خبطة مؤلمة في حياتي وكانت غالباً في بداية سن الادراك - اني مش عايز اعيش في عالم قذر زي دا ، عالم كتبت فيه مُجلدات في كل الحاجات المؤلمة والمحزنة والمسببة للكآبة ، وكتبت ورقة واحدة بس في الحاجات اللي ممكن تبسطني ، وكام سطر في اللي بالفعل استمتعت فيهم وحسيت بالسعادة - طيب ليه الكآبة دي ؟ ، انا مش إنسان شقي المفروض ؟ واحسن من ناس كتير ، المُشكلة ان عدم السعادة في حالتي لها مراحلها هي كمان : اني ملقيش نفسي ، مبقاش نفسي ، معرفش ابقي نفسي ، الاقي نفسي بس معرفش احققها ، الاقي نفسي وابقي نفسي بس اتعب معاها ...
- حسيت مع اول خبطة مؤلمة في حياتي وكانت غالباً في بداية سن الادراك - اني مش عايز اعيش في عالم قذر زي دا ، عالم كتبت فيه مُجلدات في كل الحاجات المؤلمة والمحزنة والمسببة للكآبة ، وكتبت ورقة واحدة بس في الحاجات اللي ممكن تبسطني ، وكام سطر في اللي بالفعل استمتعت فيهم وحسيت بالسعادة - طيب ليه الكآبة دي ؟ ، انا مش إنسان شقي المفروض ؟ واحسن من ناس كتير ، المُشكلة ان عدم السعادة في حالتي لها مراحلها هي كمان : اني ملقيش نفسي ، مبقاش نفسي ، معرفش ابقي نفسي ، الاقي نفسي بس معرفش احققها ، الاقي نفسي وابقي نفسي بس اتعب معاها ...
- الخلوة قالتلي بمساعدة مصطفي محمود اني مينفعش اموت او اموّت نفسي وانا المُجتمع والعالم القذر دا مُنتصر عليا لاني مش عايز أموت كافر ، طيب ايه ضمّنك ان اللي بيموّت نفسه بسبب ظروف قاسية انه هيموت كافر ، دايماً لما بفكر بسلبية في حاجة زي الانتحار بقعد اقول لنفسي طيب ما انا قدامي حياة كاملة ، عُمر كامل اضيّعُه ليه في الموت لما ممكن اضيّعُه في الحياة !؟ ، طالما حياتي كدا كدا هتضيع لاني بفكر انتحر واضيعها ، طيب ما انا اعمل اللي بحلم بيه واللي نفسي احققه بكل حرية وهي كدا كدا ضايعة - يعني لو ضيعتها وفشلت احسن ما اني اضيّعها بنفسي قبل ما افشل وقبل ما اجرّب ، وفي الاخر مش هخسر حاجة ، انا خايف من ايه ؟ ، فوصلت ان الافضل اني اعمل اللي تُمليه عليا ارادتي الحُرة واكتشف نفسي في رحلة الدُنيا - الانتحار دا مش لحظة ضعف و بؤس و انكسار - قد ما هو لحظة غطرسة وغرور وإعتزاز بالنفس وتأله و منازعة الله في ربوبيته ، نفاد طاقة و نفاد صبر و نفاد حيلة - بتبقي حرب من نوع مختلف يعلنها الواحد على نفسه وهو فعلاً كُفر لانه نوع من الانفراد بالرأي و الانفراد بالحل و مصادرة جميع الآراء وإنكار أحقية كل وجود آخر غير الذات و إنكار لله و إنكار فضله و اليأس من رحمته و اتهامه في صنعته و في عدله و رفض أياديه ورفض أحكامه و رفض تدخله - عبادة للهوي ، وكفر برحمة الله وديكتاتورية من الانسان المُنتحر ...
- ولذلك وصلت لاني "هعيش مبضون بس هصبر لاني مينفعش اموت" ..وفي الاخر رجعتني للمرحلة السابقة مع زيادة في الكآبة ..
- فوصلت ان مقدميش غير اني اعيش مبسوط لاني لو عشت مبضون مش هيبقي قدامي غير اني اموّت نفسي ومش هينفع اموّت نفسي لاني هموت كافر ...
- وبالتالي وصلت للمرحلة الحالية ، اللي انا عايش فيها دلوقتي - واللي هية يا احقق ذاتي واحلامي يا اموت ، لاني لو محققتش ذاتي هتضطر اني ارجع لاول Level وصلتلها اللي هية مش عايز اعيش ، بس لو رجعت لأول Level بعد رابع Level ساعتها مش هيبقي قدامي خيارات مفتوحة زي الاول والله اعلم الخيارات المرادي هتبقي عاملة ازاي ، بس غالباً هتكون في صالح الموت مش الحياة ...
-اما اخر حاجة في المكتوبين دول - دي مش هوصلها إلا لو قدرت احقق الهدف السابق - اني لازم اكيّف العالم علي كيفي لاني خلاص حققت ذاتي واهرماتي بس ذاتي واهرماتي - اهرامات ايه ؟ - معلش الإعلان مأثر - المهم ان غالباً بعد تحقيق الذات والحلم ممكن ذاتي تكون مش عارفة تتأقلم مع العالم القذر اللي انا مكنتش عايز اعيش فيه واللي انا مكنش ينفع اموت فيه ، واللي انا مكنش ينفع اعيش وانا مبضون فيه ، واللي مكنش قدامي غير اني اعيش مبسوط فيه ، واللي عشان اعيش مبسوط فيه لازم احقق حلمي - فلازم اكيّف العالم واغيره علي حسب إحتياجاتي - واصنع واقعي المُختلف والملاءم ليا ...
في حاجة كمان مش مكتوبة ودي مرحلة متأخرة بعد كل المراحل وال levels السابقة وهي "اني خلاص غيّرت نفسي ، ناقص اغيّر العالم" - بس حالياً انا عايز اغيّر نفسي بس - وبردو ممكن اغيّر العالم بس مش بالشكل الإيجابي اللي في دماغكم ، اقصد للاسوأ - عايز احرقه ، عايز انتقم منه ، شايفه اسود وملوش علاج وعمره ما هيتحسن - ولذلك اكتشفت اني لحد ما اوصل اني اغيّره فعلاً لمكان احسن - هيكون طول الفترة اللي حاسس فيها بسواد تجاه العالم - استغلال وتكريث اهدافي واحلامي للتمرّد علي العالم دا ، وهدمه بوساخته ، ومحاربة كل وسخ فيه - اما مرحلة تغيير العالم للاحسن ، دي ممكن تتشكل بعدين ، ومعرفش شكلها ايه ، ومعرفش اصلاً هية فعلاً هتتشكل ولا لأ ! - بس بميل اكتر إلي انها فعلاً هتتشكل والسبب هقوله تحت :
كل اللي اعرفه اني لو مغيّرتش نفسي ، فأنا هالك ...
الاول كنت فاكر اني ممكن اهرب علي المسجد لما افشل واكتئب ، واترهبن واعيش في الصحراء مثلاً ، وبكدا اضمن الحياة التانية ، بس مؤخراً وبعد درس صعب جداً عرفت اني يا احقق احلامي ، يا اموت كافر واضمن عيشة اكثر شقاءاً في الحياة التانية من الحياة الاولي ..
نصيحة ليك حقق ذاتك واهرماتك - الله يخربيت دا إعلان - قصدي حقق ذاتك واحلامك واهدافك الدنيوية عشان هية اللي بتبني اهدافك الاخروية وممكن تكرثها عشانها ، وحالياً اقدر اقولك ان حتي لو شككوك في ان اهدافك الدنيوية هتتعارض مع "دينك واخرتك" - بردو اسعي لاهدافك الدنيوية دي ولا تتركها عشان معتقداتك الدينية ، واضمنلك انها هتكون بتساعدك لتحقيق اهدافك الاخروية ، عشان ميحصلكش اللي حصل معايا وتضطر لو كنت حُر انك ترفض الاخرة \- وتعيش عشان دنيتك - وانتا متعرفش يعني ايه تعيش عشان سجن اسمه دُنيا - دي قصة تانية لوحدها مش هتكلم فيها - لو عقلك مش حُر انتا هتتقيّد بحاجة عشان حاجة حتي لو الحاجة دي "دين" - لو لقيت الدين بيقيّدك عن حلمك او بيقيّدك بوجه عام - بيقعدك في مسجدك وبيخليك تعتزل وتترك تغيير نفسك وتغيير العالم - اعرف انك متدين علي خطأ لان دا هروب من الواقع بشكل سهل ...
لو غيّرت نفسك ثم غيّرت العالم كدا تقدر تكون ضمنت هدفك الاخروي اللي ممكن يجعلك في منزلة جيدة في الحياة التانية وهتكون خدمت دينك وآخرتك بس الشرط النية ...
_________________________
شديت سطر تاني لان المقال انتهي لحد كدا ، بس الفقرة دي للي يعرفوني بشكل شخصي ، هتكلم في اسئلة هتيجي في دماغك او إتهامات هترميها عليا اثناء قراءتك لكل الكلام دا ، بس هتيجي فدماغك لو كنت فضولي فقط وحابب تعرف عن تجربتي المتواضعة اكتر ، اما لو مش حابب او اصلاً متعرفنيش بشكل شخصي - فيُفضل انك تقفل الصفحة دي والموضوع خلص لحد هنا - كمان لو حسيت بتهكّم من دلوقتي او نفسك حساسة بردو اقفل الصفحة ومتقراش الكلام اللي هكتبه تحت هنا :
نبدأ ؟ ..
هيطلع واحد عارف عن حياتي شوية هيقولي يعني انتا سلبي مبتتكلمش عن نجاحاتك وحابب تتكلم عن الفشل بس ، مهو مفيش بني آدم معملش نجاحات - اتكلم عن انك متخرج بتقدير جيّد يا اخي ، عن التصوير ، عن المدوّنة حتي ..
ـ طيب مبدئياً كل نجاحاتي للاسف بعتبرها فشل في حد ذاتها ، الشهادة وكلكو عارفين هي ايه بالنسبالي ، دي اكبر دليل علي فشلي ، اكبر دليل اني استمريت في حاجة عارف انها بتضيّع وقتي ، اوني اتختمت علي قفايا من الانظمة التعليمية المُسببة للغباء الفاشلة دي كلها ، ودا اصلاً سبب اني اواجه فشل في المرحلة دي واني اكتب المقال دا ، بس عارفين ليه قولت في اول المقال اني بحب الفشل - لاني بتعلّم منه - مثلاً اتعلمت درس قاسي وعرفت من الشهادة دي يعني ايه تضييع وقت عشان مضيّعش وقتي في دراسة غير مُفيدة مرة تانية ، واني معملش حاجة مش دارس ابعادها كويس ومش مقتنع بيها بنسبة 100 % ..
- طيب بالنسبة للتصوير ، مش دا نجاح ؟ - اللي يعرفني كويّس هيعرف اني اصلاً عايز ابقي مخرج سينمائي وكاتب ومزيكاتي لو نفع مش مصوّر ، اه انا مُهتم بكل الفنون ولذلك مارست التصوير - لانه مش بعيد عن الاخراج وفي نفس الوقت فن وانا حابه ..
- طيب وليه متجوّزش وتدوّر علي وظيفة بشهادتك الجامعية بمرتب كبير - واغلب اللي شغّالين في مجالك مرتباتهم كويسة - بس في البداية اتعب وخد مرتب صغيّر وبعد كدا يكبّر وهتعلي معاه والجو اللي معظم الكائنات بتميل له ؟ ...
الحقيقة انا اتكلمت مع ناس كتير متجوّزة ، سألتهم اذا كانو مبسوطين بالحياة التي تسمي حياة الاستقرار والزواج بالشكل الغير مبني علي حُب والاهداف المُشتركة والمُساندة - معظمهم بيقولو - والله انا كان نفسي اعمل كذا بس الجواز - والله انا كنت عايزة اعمل كدا بس العيال - والله انا حابب كذا بس مش هينفع عشان اتجوزت خلاص ..
انا شخصياً بحس الجواز دا زي الرهبنة في مجتمعنا طالما مش هنساعد بعض علي تحقيق الاهداف - اهو دا بردو نوع من انواع الهروب - اني افتح بيت واتجوّز عشان العفة والاستقرار وعشان هية متعنّسش - واخلّف واروح اموت ..
لو غيّرت نفسك ثم غيّرت العالم كدا تقدر تكون ضمنت هدفك الاخروي اللي ممكن يجعلك في منزلة جيدة في الحياة التانية وهتكون خدمت دينك وآخرتك بس الشرط النية ...
_________________________
شديت سطر تاني لان المقال انتهي لحد كدا ، بس الفقرة دي للي يعرفوني بشكل شخصي ، هتكلم في اسئلة هتيجي في دماغك او إتهامات هترميها عليا اثناء قراءتك لكل الكلام دا ، بس هتيجي فدماغك لو كنت فضولي فقط وحابب تعرف عن تجربتي المتواضعة اكتر ، اما لو مش حابب او اصلاً متعرفنيش بشكل شخصي - فيُفضل انك تقفل الصفحة دي والموضوع خلص لحد هنا - كمان لو حسيت بتهكّم من دلوقتي او نفسك حساسة بردو اقفل الصفحة ومتقراش الكلام اللي هكتبه تحت هنا :
نبدأ ؟ ..
هيطلع واحد عارف عن حياتي شوية هيقولي يعني انتا سلبي مبتتكلمش عن نجاحاتك وحابب تتكلم عن الفشل بس ، مهو مفيش بني آدم معملش نجاحات - اتكلم عن انك متخرج بتقدير جيّد يا اخي ، عن التصوير ، عن المدوّنة حتي ..
ـ طيب مبدئياً كل نجاحاتي للاسف بعتبرها فشل في حد ذاتها ، الشهادة وكلكو عارفين هي ايه بالنسبالي ، دي اكبر دليل علي فشلي ، اكبر دليل اني استمريت في حاجة عارف انها بتضيّع وقتي ، اوني اتختمت علي قفايا من الانظمة التعليمية المُسببة للغباء الفاشلة دي كلها ، ودا اصلاً سبب اني اواجه فشل في المرحلة دي واني اكتب المقال دا ، بس عارفين ليه قولت في اول المقال اني بحب الفشل - لاني بتعلّم منه - مثلاً اتعلمت درس قاسي وعرفت من الشهادة دي يعني ايه تضييع وقت عشان مضيّعش وقتي في دراسة غير مُفيدة مرة تانية ، واني معملش حاجة مش دارس ابعادها كويس ومش مقتنع بيها بنسبة 100 % ..
- طيب بالنسبة للتصوير ، مش دا نجاح ؟ - اللي يعرفني كويّس هيعرف اني اصلاً عايز ابقي مخرج سينمائي وكاتب ومزيكاتي لو نفع مش مصوّر ، اه انا مُهتم بكل الفنون ولذلك مارست التصوير - لانه مش بعيد عن الاخراج وفي نفس الوقت فن وانا حابه ..
- طيب وليه متجوّزش وتدوّر علي وظيفة بشهادتك الجامعية بمرتب كبير - واغلب اللي شغّالين في مجالك مرتباتهم كويسة - بس في البداية اتعب وخد مرتب صغيّر وبعد كدا يكبّر وهتعلي معاه والجو اللي معظم الكائنات بتميل له ؟ ...
الحقيقة انا اتكلمت مع ناس كتير متجوّزة ، سألتهم اذا كانو مبسوطين بالحياة التي تسمي حياة الاستقرار والزواج بالشكل الغير مبني علي حُب والاهداف المُشتركة والمُساندة - معظمهم بيقولو - والله انا كان نفسي اعمل كذا بس الجواز - والله انا كنت عايزة اعمل كدا بس العيال - والله انا حابب كذا بس مش هينفع عشان اتجوزت خلاص ..
انا شخصياً بحس الجواز دا زي الرهبنة في مجتمعنا طالما مش هنساعد بعض علي تحقيق الاهداف - اهو دا بردو نوع من انواع الهروب - اني افتح بيت واتجوّز عشان العفة والاستقرار وعشان هية متعنّسش - واخلّف واروح اموت ..
ودا غالباً نتيجته بتكون "بُص لابوك وامك شوفهم مكتئبين ازاي ومش بيعملو حاجة غير انهم ينتقدوك وينكدو عليك" وانتا هتعرف النتيجة ايه ...
مش لازم اعيش عيشة الاغلبية عشان اكون مبسوط - اقرأ القرآن ، الاغلبية في القرآن دايماً علي ضلال ، اكتر الناس في القرآن لا يعلمون ولا يفقهون واكثر الناس لا يؤمنون واكثر الناس لا يعقلون ، ان هم إلا كاأنعام بل هم اضل سبيل ، وقليل من عبادي الشكور ، وعن المؤمنين قليل ماهم ، وإن تطع أكثر من في الأرض يضلوك عن سبيل الله - تحس ان اللي معاه الاغلبية في الدنيا دايماً فايز وناجح سواء سياسياً او فنياً بس في القرآن هو خاسر..
مش لازم اعيش عيشة الاغلبية عشان اكون مبسوط - اقرأ القرآن ، الاغلبية في القرآن دايماً علي ضلال ، اكتر الناس في القرآن لا يعلمون ولا يفقهون واكثر الناس لا يؤمنون واكثر الناس لا يعقلون ، ان هم إلا كاأنعام بل هم اضل سبيل ، وقليل من عبادي الشكور ، وعن المؤمنين قليل ماهم ، وإن تطع أكثر من في الأرض يضلوك عن سبيل الله - تحس ان اللي معاه الاغلبية في الدنيا دايماً فايز وناجح سواء سياسياً او فنياً بس في القرآن هو خاسر..
- طيب في حد قالّي قبل كدا ان المدوّنة دي نجاح - يعني معرفش مين من بتوع التنمية البشرية اللي فهمه ان الشخص الناجح هو اللي بيمشي بنوتة في إيده او يكتب افكاره في مدوّنة - احب اقوله اديك في الغابة الملونّة - اديك بكل فتوّنة ..
المدونة يا اصدقائي زي النوتة اللي بتمشي بيها في الشارع اللي بتخلي الناس تقول عليك شخص سيكوباتي في مجتمعاتنا - لذلك لا تعتبرها اكثر من شيء يتم فيه تدوين الآراء والافكار - وكفايا الافكار الضلالية بتاعت النوتة والمدوّنة والشخص الناجح بيعمل كذا والفاشل بيعمل كذا - اعمل انتا الكذا دا وانجح بطريقتك - مش شرط تقلّد ....
يعني من الاخر اغلب الحاجات اللي انتا شايفها نجاح هي فشل بالنسبالي وملهاش قيمة ، بس فشل طعمه حلو و اتعلمت منها حاجات كتيرة اوي ، هتساعدني اني انجح بعد كدا ....
بإختصار انا قريت قبل كدا جُملة مكنتش فاهمها كانت بتقول "امتي تحقق حلمك ؟ ، لما ميبقاش قدامك خيار آخر سوي تحقيق حلمك "
ودلوقتي فهمتها وفسرتهالكم كمان ...ادعولي بقي ...
فلتصحبكم السلامة ..
ليست هناك تعليقات:
إرسال تعليق